Zëdhënësi i Presidentit Meta, Tedi Blushi ka reagua nëpërmjet një statusi në llogarinë e tij në “Facebook”, ku i drejtohet qeverisë se askush nuk do të mundet t’i shpëtojë përgjegjësisë së ligjit nëse cenon interesat kombëtare të vendit. Blushi theksoi se Presidenti Ilir meta nuk do të tregohet tolerantë ndaj asnjë ligji apo papërgjegjshmërie shtetërore që bie ndesh me interesat e Shqipërisë.
Ai shton se çdo institucion shkencor apo dhe shoqëria civile duhet të angazhohen për mbrojtjen e interesave kombëtare të cilat janë të patjetërsueshme.
Postimi i plotë i Tedi Blushti në “Facebook”: “Askush nuk duhet të ketë iluzionin se mund t’ju shmanget detyrimeve kushtetuese dhe zbatimit të ligjit në Shqipëri. Sovraniteti dhe të drejtat sovrane të Shqipërisë janë të shenjta dhe askush nuk mund të guxojë t’i trajtojë si koncesionin apo tenderin e radhës.
Çdo institucion kushtetues i Shqipërisë, institucion shkencor apo shoqëria civile, duhet të jenë të angazhuara për mbrojtjen e interesave kombëtare, të patjetërsueshme. Presidenti i Republikës, Sh.T.Z Ilir Meta nuk do të tolerojë, as më të voglën shkelje të Kushtetutës, ligjit apo një papërgjegjshmëri shtetërore të çdo niveli, të qëllimshme ose jo dhe që cenon interesat kombëtare. SHQIPËRIA E PARA!”
