Në datë 14 janar të këtij viti në lagjen ‘Pavarësia’ në Vlorë Mikel Mehmeti u plagos në një atentat me armë zjarri. Automjeti i Mikel Mehmetit ‘Audi A3’ me targa AA 653 VC, u qëllua nga një tjetër makinë tip fuoristradë duke e plagosur në tre vende të ndryshme 41-vjeçarin. Report Tv ka siguruar videon ekskluzive të atentatit ndaj Mikel Mehmetit.
Në pamje, duket momenti kur autorët kanë qëlluar Mehmetin fillimisht 5 herë, teksa ishte dukë lëvizur me makinë, ndërsa pas disa sekondash rikthehen sërish duke qëlluar për t’u siguruar se e kanë ekzekutuar dhe më pas janë larguar me shpejtësi. Por Mehmeti ka arritur që të mbijetojë. Në videon e siguruar nga Report Tv, Mehmeti duket teksa del nga makina i plagosur dhe kërkon ndihmë.
Nga ekspertiza rezultoi se makina e 41-vjeçarit u qëllua 10 herë, tre plumba kapën Mehmetin, një në gjoks, një në shpatull dhe një në bark, ndërsa deri tani nuk ka asnjë të arrestuar. Makina e autorëve ishte me targa false, ndërsa është larguar në drejtim të Ujit të Ftohtë mbrëmjen e 14 janarit në Vlorë.
