Dhjetëra qytetarë kanë dalë para godinës së Kryeministrisë, për të protestuar kundër rritjes së çmimeve.
Ata kundërshtojnë rritjen e çmimit të naftës që ka shkuar deri në 237 lekë për litër dhe të produkteve të tjera të shportës.
Në protestat e mëparshme protestuesit kërkuan uljen e taksave, heqjen e akcizës dhe miratimin e ligjit për minimumin jetik duke i lënë kryeministrit Edi Rama afat.
Megjithatë protesta e mëparshme, që nisi vrullshëm dhe me pjesëmarrje të lartë, erdhi drejt shuarjes, për shkak se nuk pati rezistencë dhe qytetarët u larguan nga sheshi.
