Alvini u mor nga Italia në vitin 2014 nga nëna e tij, e cila iu bashkua ISIS. Pas 5 vjetësh, më në fund ai ia doli të rikthehej në shtëpinë e tij në Itali dhe të përqafonte babain e tij.Sot, “Le Iene”, emisioni investigativ në Italia Uno, që ka bërë gjithçka për shpëtimin e 11-vjeçarit, sot i dedikoi një emision special.Gazetarët e emisionit i shkuan në shtëpi Alvinit, ku ndodhej bashkë me të atin dhe gjyshin që kishte ardhur enkas për të.11-vjeçari, pavarësisht 5 viteve të vështira mes luftës në Siri, duket shumë mirë dhe mjaft miqësor me gazetarët.
Gjatë emisionit tregohet e gjithë rruga e ndjekur për shpëtimin e tij, por në asnjë rast nuk përmendet roli i Shqipërisë, pavarësisht propagandës në Tiranë.Emisioni i përmend vetëm një herë emrin ministrit Lleshi, gjatë momentit të pritjes në Beirut, por vetëm kaq.Falenderohen kurdët e Sirisë, Kryqi i Kuq, Gjysmëhëna etj, por në asnjë çast qeveria e Tiranës.Për emisionin flet edhe ambasadori italian në Beirut, por Lleshi jo…
