Kryeministri Edi Rama shkruan në Facebook se kanë mbërritur në Rinas 11 700 doza të vaksinës Pfizer. Sipas Ramës numri i vaksinave që ka mbërritur në total në Shqipëri, që prej nisjes së vaksinimit është 858,750 doza.
Rama shkruan se brenda Qershorit do të përmbushet objektivi për të pasur 1 milionë të vaksinuar.
Postimi i Ramës: Sapo kanë mbërritur në Aeroportin “Nënë Tereza” edhe 11,700 vaksina Pfizer, duke e çuar në 858,750 sasinë e vaksinave AntiCovid të mbërritura në Shqipëri.
Deri tani ia kemi dalë të kryejmë 776,461 vaksinime për të moshuarit dhe punonjësit e shërbimeve kritike, me synimin për të zgjeruar së shpejti fashën e vaksinimit, drejt objektivit 1 MILION vaksinime brenda qershorit.
