Një dokumentar famëkeq i vitit 1969, mbi familjen mbretërore Britanike, i supozuar i ndaluar nga Mbretëresha Elizabeth II për dekada, ka dalë në mënyrë misterioze në YouTube.
Filmi siguron pamje të pazbulura më parë brenda familjes mbretërore dhe pati shikueshmëri të lartë kur u transmetua për herë të parë në BBC. Por më pas u fsheh në arkivat e korporatës, thuhet se me kërkesë të Pallatit Buckingham, dhe nuk është transmetuar që nga vitet 1970.
Nuk dihet se si u zbulua programi, i titulluar “Familja Mbretërore”, ose kush e postoi atë në YouTube.
Videoja u hoq me shpejtësi nga platforma pasi u bë një kërkesë për të drejtë autori. Në film, monarku thuhet se krahason ambasadorin e SHBA me një gorillë.
Skena të tjera, më të zakonshme, që tregojnë mbretërit duke ngrënë së bashku dhe Mbretëreshën duke bërtitur, Princin Edëard në një dyqan, u konsideruan novatore për familjen e famshme. Filmi 110 minutësh u ndoq nga 30 milion njerëz në 1969 dhe mbetet një nga transmetimet televizive më të shikuara të Mbretërisë së Bashkuar.
BBC vlerëson se më shumë se 350 milion njërëz e panë atë në të gjithë botën.
Ky prodhim u krahasua kohët e fundit me “The Crown”, që po shfaqet në Netflix dhe portretizon pakënaqësinë e mbretërve për të pasur kamera brenda ambienteve të tyre.
