Regjisor Robert Budina i cili tashmë gëzon shëndet të plotë pas prekjes nga Covid-19 ka treguar se ai dhe i vëllai kanë kaluar sëmundjen pa simptoma. Budina deklaroi se aktualisht po merret me procedurat e padisë ndaj kryeministrit Edi Rama i cili publikoi emrat e tyre si të infektuar në kundërshtim me ligjin. Ai u shpreh se familjarët e tyre kanë dalë të gjithë negativë pas testimit.
“Jemi duke u marrë me këtë procedurë. Po merremi më dorëzimin e padisë, hartimin. Ne kryem procedurën që kërkuam, ndenjëm në shtëpi. Por nuk e kuptuam asnjëherë nëse ishim të prekur apo jo. Familjarët tanë dolën negativë. Nuk kemi pasur asnjë shqetësim. Po Veliaj që bën koncerte, apo ata nuk i kap virusi. Çështja është politike. Qeveria po krijon një ide terrori për këto masa”, tha Budina
