Përshkallëzohen tensionet në sallën e Kuvendit. Përplasje fizike mes dy deputetëve në Kuvend.
Mësohet se deputeti Bledion Nallbati është përplasur me Vullnet Sinën. Siç u pa edhe gjatë transmetimit live, deputeti Nallbati goditi me grusht deputetin socialist, Vullnet Sina.
Ky i fundit mori fjalën në Parlament për të shprehur shqetësimet për banorët që përfaqëson, por deputetët e opozitës që bllokuan foltoren, kërkuan që ai të ndërpriste fjalën.
Pamjet që shihni tregojnë momentet e tensionit mes përfaqësuesve të opozitës dhe të maxhorancës, ku pati edhe një përplasje fizike mes dy ligjvënësve.
Teksa Vullnet Sina po fliste në foltoren e Kuvendit, deputeti demokrat, Bledion Nallbati ka shkuar dhe i ka mbyllur mikrofonin, ndërsa më pas goditi me grusht socialistin.
Kaq mjaftoi që në debatin e ashpër të ndërhynin edhe deputetë të tjerë, siç Flamur Noka i PD. Kjo detyroi kryetaren e Parlamentit, Lindita Nikolli që të ndërpriste seancën parlamentar për të paktën 5 minuta.
Për më tepër shihni pamjet e publikuara nga LSA.
