Insituti i Statistikave ka publikuar shifrat e hyrjeve te shtetasve ne vendin tone. Shifrat jane inkurajuese per turizmin, ku vihet re se numri i shtetasve të huaj dhe shqiptarëve të hyrë në vendin tonë në muajin korrik është është 1.724.374, duke u rritur me 11,4 % në krahasim me të njëjtën periudhë të vitit 2018.
Referuar të dhënave nga Instituti i Statistikave (INSTAT) bëhet e ditur se në korrik të 2019 janë regjistruar 1.176.810 hyrje të huajsh dhe është rritur me 14,5% krahasuar me korrikun e 2018-s. Gjatë shtatë muajve të parë kanë hyrë në Shqipëri 3.313.762 të huaj dhe është rritur me 12,4%. Në shtatëmujorin e parë Kosova ka pasur rritjen më të madhe me 25,5 %, ndërsa uljen më të ndjeshme e ka pasur Polonia me 14,6 %. Përgjatë shtatë muajve të parë të 2019, ndër vendet që kanë hyrjet më të larta të shtetasve në Shqipëri, Zvicra ka pasur rritjen më të madhe me 24%, ndërsa uljen më të ndjeshme e ka pasur Polonia me 0,6 %. Sipas të dhënave të INSTAT të huajt e kanë preferuar shtetin shqiptar për pushime ose pse arsye personale dhe trajtimi shëndetësor është më pak i preferuar në vendin tonë.
Sa i përket daljeve të shtetasve shqiptarë dhe të huaj: Janë larguar 1.463.133 shqiptarë dhe të huaj në muajin korrik dhe është rritur me 1,9%, krahasuar me muajin korrik të vitit 2018. Janë larguar 946.960 të huaj nga territoret shqiptare dhe është ulur me 2,4 %, në krahasim me shifrat e një viti më parë. Gjatë korrikut të 2019-s janë larguar 516.173 shqiptarë dhe është rritur me 10,9% në krahasim me korrikun e vitit 2018. Në bazë të të dhënave të INSTAT për muajin korrik ka më shumë dalje sesa hyrje të shqiptarëve, të cilët mund të preferojnë të jetojnë jashtë vendit, sesa në Shqipëri.
Shtetasit që kanë përdorur Shqipërinë si pikë kalimi kanë qenë 125.695 gjatë periudhës janar-korrik dhe është rritur me 11,2% në krahasim me vitin paraardhës, ku kanë qenë 113.074 tranzitë. Numri i shtetasve shqiptarë që kanë dalë nga territori i vendit tonë përgjatë shtatë muajve të parë të 2019, është 3.172.613 dhe është rritur me 10,9 %, krahasuar me të njëjtën periudhë të një viti më parë.
Të huajt dhe shqiptarët preferojnë të lëvizin më shumë nëpërmjet kufijve tokësorë shqiptarë sesa kufijve ajrorë apo ujorë dhe kufijtë detarë janë më pak të përdorshëm. Gjatë shtatëmujorit të parë të 2019-s nëpërmjet kufijve tokësorë kanë hyrë 4.984.899shtetas dhe kanë dalë 5.045.904të tjerë dhe ndryshimi është me 7,6% me vitin paraardhës. Në kufijtë ajrorë gjatë gjashtëmujorit të parë kanë hyrë 923.679 shtetas dhe kanë dalë 870.702. Shtetasit që kanë hyrë nga kufijtë detarë gjatë shtatëmujorit të parë kanë qenë 417.302 dhe kanë dalë 367.438 shtetas.
