Gratë po marrin vendimin që të ndahen nga burrat. Kështu deklaroi avokati Demir Çiftja për ‘Fax News’, duke u shprehur se në gjykatën e Elbasanit kërkesat për divorc kanë pasur rritje. Kreu i dhomës se avokatisë refuzon të japë shifra konkrete pasi sipas tij mungesa e gjyqtarëve në gjykata ka bërë që me qindra çifte të jenë në pritje për tu ndarë. Kushtet ekonomike dhe papunësia vijojnë të jenë dy nga faktorët kryesor që cojnë një çift në divorc.
Sipas avokatit megjithëse gjykatat japin urdhër mbrojtjeje ato nuk zbatohen për shkak të kushteve ekonomike ndaj për të është e rëndesishme të hapen qendra strehimi. ‘Pati një fluks të padive dhe numrit të zgjidhjes së martesave. Aktualisht janë gjashtë gjyqtarë dhe janë mbartur shumë dosje nga viti 2021-2022, nuk është çështja te divorcet por te zgjatja e procesit. Ka pasoja ekonomike dhe te fëmijët e mitur sepse prinderit pas ndarjes nuk japin shumën që cakton gjykata. Divorcet për shkak të rënies ekonomike dhe papunësisë është shkaku kryesor, pasi lindin mosmarrëveshjet dhe zënkat.
Ka pasur dhe raste kur gratë janë dhunuar, sepse rënia ekonomike reflekton dhe te shkatërrimi i familjes nga ana psikologjike. Gratë e d hunuara, që nuk kanë vetëm humbjen e respektit reciprok por edhe dhunën fizike, dhe kërkojnë patjetër zgjidhjen e martesës“-tha Çiftja.
