Prej 5 ditësh kishte humbur dhe fëmijët kishin kërkuar ndihmën e policisë dhe qytetarëve për gjetjen e babait të tyre. Bëhet fjalë për një 76-vjeçar, Faslli Rusta, i cili është gjetur i vdekur sot nga forcat e policisë në lagjen “11 Janari” në qytetin e Kuçovës.
Ai është gjetur i shtrirë dhe pa shenja jete.
Largimi i tij nga banesa 5-ditë më parë alarmoi familjen dhe vuri në lëvizje policinë për gjetjen e saj. Faslli Rusta,nga fshati Gorraj në qytetin e Kuçovës,rezultonte si një person i humbur për familjarët prej 5-ditësh.
Pas njoftimit të disa qytetarëve për një trup pa jetë në lagjen “11 Janari”,policia shkoi në zonë dhe gjeti kufomën e 76-vjeçarit,që rezultoi të ishte personi i humbur disa ditë më parë.
