Sa u paguan prezantuesit në “Sanremo 2020”? Së fundmi mediat italiane kanë bërë një listë jo zyrtare, por me shifra pak a shumë të konfirmuara sa i përket shumës që fituan prezantuesit. Thuhet se prezantuesi kryesor Amadeus do të fitojë midis 500-600 mijë euro për pesë mbrëmjet (nga 4 deri në 8 shkurt).
Ndërkohë, Fiorello dhe Tiziano Ferro do të paguhen rreth 250 mijë euro, ndërsa Antonella Clerici thuhet se do të marrë rreth 50 mijë euro. Lista vijon me bashkëprezantueset e ftuara si Rula Jebreal, Sabrina Salerno, Alketa Vejsiu, Francesca Sofia Novello, Diletta Leotta, Laura Chimenti dhe Emma D’Aquino të cilat do të marrin 25 mijë euro, shkruan “iconstyle”.
Në mesin e prezantuesve, ajo që do të marrë më tepër është Georgina Rodriguez, partnerja e Cristiano Ronaldo-s … bëhet fjalë për një shifër që shkon 140 mijë euro.
