Selami Simsek nuk ka qëndruar duarkryq pasi iu refuzua pranimi i kërkesës për azil. Ai kallëzoi penalisht dy institucionet shqiptare (Drejtorinë e Azilit dhe Shtetësisë si dhe Komisionin Kombëtar për Azilin dhe Refugjatët), ndërsa kërkoi shfuqizimin e vendimit të ekstradimit drejt Turqisë.
Ai ka kërkuar që Drejtoria e Azilit dhe Shtetësisë pranë Ministrisë së Brendshme të pranojë kërkesën e azilkërkuesit dhe dhënien e të drejtës për përfitimin e azilit. Ndërsa marrjen e masës së sigurimit të padisë duke bërë pezullimin e ekzekutimit të vendimit të Drejtorisë së Azilit dhe Shtetësisë. Kujtojmë se më 2 Korrik, Drejtoria e Azilit dhe Shtetësisë argumentoi në vendimin e saj se Simsek nuk përmbush kriteret si azilkërkues.
