Ministrja e Arsimit, Besa Shahini ka bërë me dije se nuk do të ketë një shtyrje të këtij viti shkollor. Në një lidhje të drejtpërdrejtë me emisionin “Open”, Shahini sqaroi se për ata nxënës që ndihen se nuk kanë mësuar sa duhet, mund ta përsërisin edhe një herë vitin shkollor.
Sipas ministres, strukturat arsimore kanë dy opsione veprimi. Njëri opsion është përllogaritja e notave për pjesën para përhapjes së pandemisë në vendin tonë, ndërsa opsioni tjetër është përmbledhja e vlerësimeve të mëparshme “Asnjë nxënësi nuk do ti humb viti shkollor, jemi të bindur për ta mbyllur. Siç po bëjnë shtete të tjera. Nxënësit që ndihen se nuk kanë mësuar aq sa duhet mund ta përsëritin vitin sërish. Jemi të përgatitur për të mbyllur këtë vit. Kemi dy opsione.
Nëse kthehemi në shkolla të bëjmë vlerësimet e fundit apo opsioni i dytë nëse nuk kthehemi të bëjmë një përmbledhje sa kemi qenë në shkollë, pa u penalizuar ata që nuk kanë pasur mundësi online. Kemi parë me kujdes shtete e tjera”, tha ajo.
