Një ngjarje tmerruese e cila ka lënë pas 15 persona të plagosur ka ndodhur në Indi.
Në mediat e huaja është publikuar lajmi se një nga lojrat ekstreme e mbushur me fëmijë bie nga rreth 20 metra lartësi në një park lojrash në krahinën indiane të Punxhab.
Drejtuesit dhe rojet e parkut ishin larguar nga vendngjarja pas përplasjes, raportonin mediat vendase, ndërsa policia ka hapur një hetim për atë që shkaktoi aksidentin e rëndë të 4 shtatorit.
Pamjet e frikshme tregonin sesi platforma rrethore nis të humbasë shpejtësinë e rrotullimit dhe më pas përplaset përtokë pas rënies me shpejtësi.
Dëshmitarët pranë platformës shihet që ulërasin të trembur teksa shikojnë fëmijët e tyre në platformë që bien nga lartësia.
Fatmirësisht nuk kishte humbje jete në incident por vetëm 15 të plagosur, pesë prej të cilëve u dërguan në spital.
Parku Mohali Trade Fair, i cili tashmë është mbyllur, do të qëndronte hapur deri më 11 shtator.
Operatorët e tij i lëvizin atraksionet nga një qytet në tjetrin, gjatë panaireve sezonale vendore.
Një nga organizatorët e festivalit, tha për rrjetin vendas Hindustan Times se loja ishte operuar shumë herë më parë dhe nuk kishte ndodhur diçka e tillë.
