Është zbardhur ngjarja e ndodhur dy ditë më parë në Shijak, ku u kërcënuan 4 persona me armë zjarri, pas një konflikti për motive të dobëta. Personat e arrestuar janë J.Gj. 21 vjeç dhe E.B. 22 vjeç, të dy banues në Pjezë të Shijakut, të cilët kërcënuan dhe hapën zjarr në ajër. Nga policia e Shijakut u ndaluan dy persona dhe u sekuestruan 2 gëzhoja model 56.
Ngjarja ndodhi në një lokal në Gjepalaj, ku u kërcënuan personat E.A., 22 vjeç, A.R., 21 vjeç, V.S., 20 vjeçdhe J.T., 22 vjeç. Sipas policisë, materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Kanosja “në bashkëpunim, “Prishja e qetësisë publike”, dhe ” “Mbajtja pa leje dhe prodhimi i armëve, armëve shpërthyese dhe i municionit “.
