Tërmeti i së martës shkaktoi 51 vktima dhe 900 të plagosur. Lëkundjet e tërmetit, të njohura si pasgoditje vijojnë ende. Lëkundja e fundit u shënua rreth orës 13:00 të mesditës së sotme me magnitudë 4.0 të shkallës rihter.
Jo vetëm viktima, por dëme të pafundme materiale janë shkaktuar nga lëkundja sizmike e së martës. Pallate e banesa janë shembur, të cilat morën jetë njerëzish. Disa banesa dhe pallate janë të pabanueshme pasi kanë pësuar krisje, të çara dhe dëmtime në kolonat kryesore në katet e para, gjë e cila ka bërë banorët ti braktisin.
Në media disa prej tyre deklarojnë se shteti nuk iu vjen në ndihmë, as nuk ua ka hedhur sytë ende, por sërish presin. Ndër pallatet e dëmtuara është edhe ky që shihni në pamjet më poshtë, të siguruara nga Boldnews.al. Pallati i dëmtuar ndodhet në një fshat turistik të Golemit. Kolonat e katit të parë duket që janë gati të thyera, dhe rrezikohet shembja e pallatit.
