Teoria e “pushimit të madh”, thotë se në një kohë mund të vijnë në një pikë në të cilën gjithësia është “thyer” dhe do të shkatërrohet çdo gjë.
Ky model është i bazuar në idenë se nëse universi vazhdon të përshpejtojë zgjerimin e tij, në fund do të vijë në momentin në të cilin të gjitha forcat që e mbajnë atë së bashku, do të mposhten nga energjia e errët.
Kjo është një forcë misterioze, e cila përbën 68 për qind të energjisë së universit. Nëse dobësohen graviteti, forcat elektromagnetike dhe fuqia nukleare, gjithësia do të shkatërrohet.
Shkencëtari Marcelo Diskonzi pranë Universitetit të Vanderbilt argumenton se “Big Rip” mund të ndodhë në një kohë kur energjia e errët bëhet më e fortë se graviteti, dhe arrin një pikë kur mund të ndajë atomet, transmeton KosovaPress.
Modeli i tij tregon se që nga zgjerimi i pafund, viskoziteti i universit mund të jetë përgjegjës për shkatërrimin e tij. Një viskozitet i tillë mat se sa është universi rezistues ndaj zgjerimit ose tkurrjes.
Nëse kjo teori është e saktë, në të ardhmen e largët mund të ndodhë momenti kur gjithçka që është në Tokë do të shkatërrohet. Forcat atomike dhe molekulare do të ndahen, elektronet do të ndahen nga atomet – dhe kjo është e gjitha pas 22 miliardë vjetësh.
