Policia ka arrestuar ditën e sotme shoferin i cili shkaktoi aksidentin masiv me 5 makina të përfshira në Durrës.

Mësohet se shoferi i arrestuar është shtetasi me iniciale F. T., 37 vjeç dhe sipas policisë ky person ishte në gjendje të dehur kur po drejtonte makinën e tij me targa italiane. Kjo ka bërë që ai të humb kontrollin dhe të përplaset me makinat e tjera të cilat ishin parkuar.

Ngjarja ndodhi dje në rrugën “Taulantia” në Durrës dhe shoferi që shkaktoi aksidentin u largua nga vendi i ngjarjes, por u arrestua sot nga policia.