Megjithëse moderatorja Luana Vjollca është munduar ta mbajë të fshehtë lidhjen e saj me Krenar Cocajn, Getoari ka treguar herë pas here marrëdhënien e mirë që ka me baxhanakun e tij. Shpeshherë Krenarin e kemi parë në poza me Getoarin dhe gjithashtu çiftet janë fotografuar në shoqërinë e njëri-tjetrit teksa shkonin me pushime së bashku. Veçse baxhanakë, Getoari dhe Krenari janë edhe shokë shumë të mirë, të cilët dalin edhe të pashoqëruar nga dy motrat Vjollca. Megjithatë, duket se ata paskan vendosur të bëhen edhe partnerë në biznes, pasi në fillim të këtij viti kanë konkretizuar idenë e një sipërmarrjeje të përbashkët me bazë në Tiranë. Prive.al ka siguruar dokumentacionet e depozituara në Qendrën Kombëtare të Biznesit të aktivitetit ekonomik të quajtur “Prishtina’s finest”.