Policia në Ohër të Maqedonisë së Veriut ka ngritur aktakuzë ndaj një 47-vjeçari nga Shkupi, i cili dyshohet për kryerjen e 17 veprave penale “vjedhje të rënda” dhe “vjedhje”.

Siç njoftojnë nga MPB, i dyshuari së bashku me dy persona tjerë, në periudhën qershor-tetor 2019, në hapësirat për parking në Ohër, lagje dhe plazh, me mjete të forta i ka thyer xhamet e makinave dhe ka marrë mjete të vlefshme, dokumente personale dhe para. Prokuroria thotë se të dyshuarit kanë arritur të përvetësojnë nga vjedhjet një shumë prej 510 mijë denarë.