Të hënën, një burrë nga Missouri shpëtoi jetën e një qeni, qafa e të cilit ishte e rrethuar me një kordon elektrik. David Fredman po shkonte për në punë kur pa kafshën e dëshpëruar që po përpiqej të nxirrte kokën nga kordoni, i cili ishte i lidhur me një kuti ngjitur me rrugën.
Fredman telefonoi menjëherë 911 para se të përdorte një thikë për të prerë kordonin në qafën e qenit Max. “Kur e pashë, nuk mund ta besoja që dikush mund t’ia bënte një kafshe këtë. Sapo preva kordonin, vura re se ai mezi merrte frymë. U përpoqa ta bëj që të ecë, por nuk mundte”, tha David. Fredman shtoi se nuk ishte i sigurt nëse dikush u përpoq të lëndonte Max apo qeni mbeti i rrethuar nga kordoni elektrik aksidentalisht.
Max u dërgua menjëherë në një qendër për kujdesjen e kafshëve. Stafi i gjeti një mikrocip në qafë, me të cilin gjeti pronarin e tij, Dee Vaughn. “Dy orë më vonë, erdhi një telefonatë që më pyeste nëse e kisha humbur qenin”, tha pronari, i cili kishte nisur kërkimet që herët në mëngjes.
Dee u shokua kur pa foton e Max me kordonin e lidhur në qafë dhe falenderoi pafund David që i shpëtoi jetën kafshës së tij shtëpiake.
