Të afërm, miq e kolegë i dhanë dje lamtumirën e fundit aktorit të famshëm turk, Tarik Unluoglu, i cili humbi jetën këtë javë pas një beteje me kancerin në mushkëri.

Lajmi për vdekjen në moshën 61-vjeçare të aktorit të dhjetëra roleve në teatër, filma dhe seriale futi në zi kinematografinë turke.

Miq dhe kolegë të shumtë ndanë dhimbjen e madhe të humbjes me bashkëshorten e Unluoglu, Gulenay Kalkan, e cila po ashtu është një emër i njohur i kinematografisë turke.

Unluoglu së fundmi ka luajtur rolin e Unal Kaplan në serialin “Familja e Madhe”. Sipas medias turke, ai ka luajtur në këtë serial edhe gjatë kohës që kishte probleme shëndetësore./tvklan.al