Alketa Vejsiu ka treguar se si arriti të ngjitej në skenën e Sanremos, duke realizuar ëndrrën e saj. Ajo ishte pak ditë më parë bashkë prezantuese e festivalit më të njohur italian të muzikës. E ftuar në “Opinion”, e pyetur nëse ka paguar për të qenë atje, Vejsiu e mohoi një gjë të tillë, ndërsa shpjegoi se përkundrazi, është paguara nga ata.
Ajo fillimisht foli për eksperiencën.
“Personazhet italian i solla sepse e kam menduar festivalin e madh si një homolog të Sanremos. Unë jam shumë italofile dhe jam e ndikuar nga mënyra si ata bëjnë televizion dhe ishte mënyra ime e të parit të festivalit dhe më pëlqeu që fituesi i Sanremos vinte këtu, ndërsa Ermal Meta kishte fituar atje,” tha ajo.
“Edhe keni paguar, e pyeti Fevziu?
“Jo më kanë paguar. Nuk kam paguar as menaxher asgjë, më kanë paguar dhe më kanë paguar mirë, menaxherët marrin komision, po unë nuk kam hyrë në këtë sistem, unë jam në momentin e promovimit. Unë Sanremone bëra vetëm se ishte ëndrra ime”, theksoi ajo.
Ajo foli edhe për momentin kur mësoi se do të ishte prezantuese në Sanremo.
“E dija që do ngjitesha në skenë për 3 minuta dhe kjo ishte shumë e rëndësishme për mua, një sfidë profesionale shumë e rëndësishme, e fituar. Duke ikur në Kosovë për të provuar fustanin, në facebook pashë urime, dhe hyra pashë konferencën e Amadeus, as që e kisha idenë fare. Dija që do shkoja për monologun dhe jo për të prezantuar. Ndaloj makinën dhe bëj një të qarë të ekzaltuar”, tha ajo.