Categories Lajme

Shpallet “non grata” eurodeputetja Eleni Theocharous

Eurodeputetja qipriote  Eleni Theocharous e cila ju bashkua manifestimit ekstremist në Bularat gjatë ceremonisë mortore të Konstandi Kaçifasit shpallet “non grata” në Shqipëri.

“Vendimi për të mos e lejuar me atë të hyje në vendin tone është marrë nga Ministria e Brendshme, pas një kërkese të Ministrisë për Europën dhe Punët e Jashtme.

Ministria e Brendshme referuar statusit politiko-diplomatik dhe angazhimit të saj në Parlamentin Evropian, pas vlerësimit dhe në mbështetje të propozimit të MEPJ, gjykuar në materialet referuese të administruara nga Ministria e Brendshme vendosi të miratoje kërkesën e MEPJ.

Ky vendim vjen si reagim i detyruar kushtetues e ligjor i institucioneve të Republikës së Shqipërisë, ndaj shfaqjeve të përsëritura ekstremiste të eurodeputetes  Eleni Theocharous.  Prononcimet e saj që nxisin urrejtjen, cenimin e  rendit kushtetues të vendit tonë, ngritjen e pretendimeve territoriale ndaj Republikës së Shqipërisë, nuk mund dhe nuk do të mund të bëhen më nëe tokën shqiptare”.

Ky është  rasti  parë që një deputete e parlamentit europian shpallet e padëshirueshme në Shqipëri.

Një ditë më parë ministria e Brendshme lajmëroi se e njëjta masë u mor për 52 shtetas greke, të cilët hodhën thirrje anti-shqiptare në ceremoninë e varrimit të Kostandinos Kaçiafas më 8 Nëntor dhe bllokuan rrugën Gjirokastër – Kakavije.

Burime të policisë thanë për Tv Klan se të tjerë persona do t’i shtohen kësaj liste. Të njëjta burime sqaruan se veprimet e personave të shpallur “non grata” janë dokumentuar nëpërmjet pamjeve filmike të agjenteve të infiltruar në turmën e ekstremistëve greke që erdhën në mënyrë të organizuar në Shqipëri.

Mësohet se ditën e ngjarjes kanë zbritur në terren edhe agjentë të shërbimit informativ shtetëror që kanë evidentuar personat problematikë.

Uniformat blu po këqyrin ende pamjet filmike të televizioneve që transmetuan ceremoninë mortore për të bërë të mundur identifikimin e personave të tjerë që kane hedhur parulla antishqiptare apo që provokuan incidente.

Emrat e 52 personave dhe eurodeputetes qipriote u janë shpërndarë të gjitha pikave të kalimit kufitar menjëherë pas marrjes së vendimit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME