Categories Lajme

Shpërthimi me tritol në banesën e familjes Duka, zbulohet dëshmia e kryefamiljarit

Mësohen detaje të reja nga shpërthimi me tritol që ndodhi në orët e para të mëngjesit të sotëm në zonën e Freskut në Tiranë, ku një sasi tritoli u vendos në banesën në pronësi të shtetasit Muhamet Duka, djemtë e të cilit janë dy personazhe të njohur të botës së krimit.

Në banesë prej 3 vitesh nuk jetonte njeri. Familjarët e Leonard dhe Elis Duka, që prej shpalljes së tyre në kërkim 4 vite më parë, pas vrasjes së ish-policit Santiago Malka ishin shpërngulur nga kjo banesë, për shkak të frikës së hakmarrjes.

Sasia e tritolit që është vendosur në derën e banesës së familjes Duka, dyshohet se ka qenë e vogël, e megjithatë ka mjaftuar që të dëmtojë derën kryesore të shtëpisë, si dhe të alarmojë banorët e tjerë të pallatit, të cilët kanë njoftuar edhe policinë.

Vetë Duka ka deklaruar se nuk ka dijeni kush mund të jenë autorët, ndërkohë që janë të njohura përplasjes që djemtë e tij kanë pasur me bosin e lojërave të fatit, tashmë të zhdukur, Ervis Martinaj. Ky i fundit më herët e kishte marrë peng Muhamet Dukën, në shenjë hakmarrje ndaj djemve të tij.

Leonard Duka u arrestua në muajin Shkurt të këtij viti, në një provincë në Belgjikë. Autoritetet belge e kanë prangosur Duken në shoqërinë e një vajze, mëngjesin e 14 shkurtit, që përkon me festën e Shën Valentinit, teksa në banesë u gjeten armë dhe shuma të konsiderueshme parash.

Për Dukën pritet që të ketë një kërkesë për ekstradim nga pala shqiptare.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Izoloi gruan në banesë me kamera sigurie, Gjykata e Apelit merr vendimin për 34-vjeçarin

Gjykata e Apelit të Tiranës ka refuzuar kërkesën për liri të 34-vjeçarit Asqeri M. i…

LEXO ME SHUME
Categories Lajme

Gjendet pa jetë në shtëpi 54 vjeçari në Lezhë

Një burrë 54 vjeç u gjet pa jetë sot në shtëpinë e tij. Ngjarja ndodhi…

LEXO ME SHUME
Categories Lajme

Atë që ka për detyrë ta bëjë shteti, banorët e Vranishtit e bëjnë me lekët e tyre

Ndërsa të gjithë fshatrat vuajnë shpopullimin dhe i janë dorëzuar këtij fati, krejt e kundërta…

LEXO ME SHUME
Categories Lajme

Sëmundjet tumorale po shtohen me shpejtësi, mjekët thirrje për rivendosjen e ligjit antiduhan

Sëmundjet tumorale po prekin gjithnjë e më shumë njerëz dhe për fat të keq dhe…

LEXO ME SHUME
Categories Lajme

Ekzekutori ishte djali! Policia e Durrësit zbardh vrasjen e 50-vjeçarit: E gjithë familja e përfshirë…

Policia e Durrësit zbardh vrasjen e 50-vjeçarit Pëllumb Meta. Duket se ekzekutori i babait nuk…

LEXO ME SHUME