Policia nigeriane ka shpëtuar 15 njerëz të mbajtur lidhur me zinxhirë në të ashtuquajturën “shtëpia e lutjeve” në qytetin më të madh të vendit, Lagos. Mes të shpëtuarave ishin burra dhe gra të moshave 19 deri në 50 vjeç. Disa prej tyre thanë se ishin mbyllur në objekt prej 5 vitesh. Ata u dërguan aty nga të afërmit e tyre që besonin se trajtimi shpirtëror mund të ndihmonte në shërimin e sëmundjeve të tyre mendore, varësinë nga droga dhe gjendje të tjera.
Burri që drejtonte objektin, i vetëquajtur profet, u arrestua. 58-vjeçari i tha policisë se drejtonte atë që e përshkroi si ‘ministria e shërimit’ që nga viti 1986 dhe se njerëzit i lidhi me zinxhirë që të mos largoheshin.
Policia tha se po punon me agjencitë e tjera të qeverisë për të siguruar kujdesin e duhur mjekësor dhe strehim për personat e liruar. Autoritetet bastisën shtëpinë në zonën e Ijegun, pasi mori një shënim anonim.
