Situta e koronavirusit në vend vijon të mbetet serioze. Gjatë 24 orëve të fundit u regjistruan 124 raste të reja nga 500 testime të kryera në total. Fatkeqësisht kanë humbur jetën 4 qytetarë, 1 në Shkodër dhe 3 në Tiranë. Numri total i viktimave ka shkuar në 193. Akoma më serioze është situata në spitalet ku aktualisht janë 116 të shtruar. 18 pacientë janë në terapi intensive prej të cilëve 4 janë të intubuar.
Këtë të shtunë (8 gusht) u regjistruan 41 pacientë të shëruar ku në total, 3,268 qytetarë kanë fituar betejën me koronavirusin.
Të infektuar – Gjatë 24 orëve të fundit në vendin tonë janë kryer 500 testime për të dyshuar të prekur nga Covid 19, ku 124 persona janë konfirmuar të prekur nga virusi Covid 19.
Shpërndarja gjeografike e rasteve pozitive ditore është si vijon – 33 raste në Tiranë, 19 në Elbasan, 9 në Mirditë, 8 në Lushnje, nga 7 raste Fier, Krujë, 6 në Korçë, nga 4 raste në Shkodër, Durrës, Vlorë, Divjakë, 3 në Tropojë, nga 2 raste në Kurbin, Lezhë, Pukë, nga 1 rast në Kavajë, Kamëz, Pogradec, Tepelenë, Fushë-Arrëz, Dibër, Malësi e Madhe, Vorë, Maliq, Patos.
Viktima – Fatkeqësisht, edhe pas përpjekjeve të mëdha të ekipeve mjekësore, në dy spitalet Covid, nuk e kanë fituar dot betejën me sëmundjen një 76 vjeçare nga Shkodra, dhe 3 qytetarë nga Tirana; një 50 vjeçar; një 75 vjeçar dhe një 76 vjeçar.
Të shtruar – Aktualisht ne spitalin Infektiv dhe “Shefqet Ndroqi” po trajtohen 116 pacientë të konfirmuar pozitivë me Covid19, 19 pacientë janë në terapi intensive, 4 prej të cilëve të intubuar.
Të shëruar – Gjatë 24 orëve të fundit janë shëruar 41 qytetarë, duke e çuar numrin e të shëruarve në 3268, që nga fillimi i epidemisë.
Apeli i Ministrisë së Shëndetësisë:
Ministria e Shëndetësisë dhe Mbrojtjes Sociale i bën thirrje edhe njëherë bizneseve, institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore. Një apel edhe për qytetarët që të jenë të kujdesshëm në zbatimin e masave të vendosura. Ruani distancën fizike, lani shpesh duart, përdorni maska ose barriera mbrojtëse në ambiente publike apo kudo ku nuk është e mundur të ruhet distanca, dezinfektoni objektet dhe ajrosni ambientet ku qëndroni.
COVID-19 – Statistika (8 Gusht 2020)
Testime totale 45381 Raste pozitive 6275 Raste të shëruara 3268 Raste Aktive 2814
Humbje jete 193 (Qarku Tiranë 94, Shkodër 32, Durrës 28, Fier 10, Elbasan 7, Lezhë 5, Kukës 5, Korçë 5, Vlorë 4, Dibër 2, Berat 1)
Shpërndarja gjeografike e rasteve aktive sipas qarqeve:
Tiranë 1572 Durrës 354 Shkodër 238 Fier 105 Vlorë 102 Kukës 96 Lezhë 91 Korçë 84 Elbasan 64 Berat 44 Dibër 34 Gjirokastër 30
