Shqipëria vend me portofol të diversifikuar të investimeve të huaja direkte

Falë klimës së biznesit dhe lehtësisë për të aksesuar tregje më të mëdha Shqipëria po kthehet në një vend me portofol të diversifikuar të investimeve të huaja direkte. Kështu u shpreh sot ministrja e Financave dhe Ekonomisë, Anila Denaj e cila solli shembullin e kompanisë turke Seramiksan që prej vitit 2016 ka nisur tregtimin me shumicë e pakicë të materialeve të ndërtimit, qeramikë, hidrosanitare dhe hidrotermoizoluese. “Në kohë pandemie kjo kompani u asistua nga AIDA përmes shërbimit After Care për të përshtatur aktivitetin edhe online”, – tha Denaj. Kompania turke Seramiksan ka 14 punonjës, ajo përshtati aktivitetin në E- Commerce në kohën e pandemisë. Kompania kërkon të zgjerojë aktivitetin në prodhimin e argjilës së bardhë dhe kaolinit.