Që prej pezullimit të saj nga “Për’puthen”, Shqipe Hysenaj nuk i ka ndalur thumbat në rrjete sociale për konkurrentët ende të pranishëm në emision. Siç të gjithë e dimë, ajo kishte një pëlqim ndaj Andit, i cili doli nga emisioni vetëm pak ditë më parë, i përputhur me Tean.

Por, gjatë gjithë kësaj kohe Shqipja e ka quajtur marrëdhënien e tyre një lojë të pistë për publikun dhe ka hedhur vazhdimisht foto e materiale për të vërtetuar “lojën” e çiftit. Së fundmi, Shqipja publikoi një foto të Teas me ish-konkurrentin e “Për’puthen”, Beartin, duke pretenduar se ata ishin në një lidhje jashtë emisionit. Gjithashtu, Shqipja përmendi faktin që Andi e kishte ende brenda partneren e tij, duke lënë të kuptohet se po fliste për Melisën.

“Çifti i parë që u përputh jashtë emisionit. Andi e ka lënë në emision o Fation Kuqari, se vërtetë ta hodhi fundin ty, por shigjeta ishte diku tjetër. E the mirë janë bërë dashnor me njëri-tjetrin. Faleminderit që jeni tallur me të gjithë ne.. unë kam fol gjithmonë me fakte, por çfarë të bëjmë që kanë njerëz sipër tyre që i mbulojnë”, shkruante Shqipja.

Pas reagimit të Teas, edhe Melisa ka folur për herë të parë për këto akuza, nëpërmjet një videoje në InstaStory. “Nuk më besohet që ndërkohë që po bëj makeup-in, unë duhet të rri dhe të mendoj rreth thashethemeve të disa njerëzve që më quajnë ‘fake’ vetëm për faktin që janë dashuruar kokë e këmbë me mua dhe unë jam ‘fake’ se s’jua var. Little bitch të lutem krijo një jetë. Siç po i jap drejtim unë, jepi dhe ti. Byee”- shprehet ajo.