Një i burgosur shqiptar i ka dhënë fund jetës, ndërsa ishte duke u transferuar nga spitali i Amfisës në burgun e Malandrinos. Mësohet se 38-vjeçari shqiptar ka varë veten me lidhëse këpucësh brenda furgonit, ndërsa ky i fundit ishte ne ecje. Ngjarja e rëndë ka ndodhur pasditen e së enjtes, por vetëm ditën e sotme është bërë publike nga mediat fqinje.
Shqiptari, emri i të cilit nuk është bërë i ditur, ishte dërguar i në spital nga gardianët e jashtëm të burgut, për shkak të problemeve shëndetësore. Ai ishte dënuar për disa vepra të ndryshme penale. Ndërkohë policia përkatëse po heton rrethanat në të cilat i arrestuari i ka dhënë fund jetës.
