Një ngjarje e rëndë është shënuar ditën e sotme në Fier, ku një banesë është përfshirë nga flakët, duke u djegur pothuajse plotësisht.
Shkak për zjarrin është bërë një sobë që ishte lënë ndezur, ndërsa familja që jetonte aty e përbërë nga 4 pjesëtarë ka mbetur në mes të 4 rrugëve.
Astrit Metua jetonte aty së bashku me bashkëshorten dhe dy fëmijët e mitur në gjendje të vështirë ekonomike, ndërsa për të siguruar të ardhura ata mblidhnin bidona. Fatmirësisht askush nuk është lënduar, ndërsa kryefamiljari i ulur në rrugën përballë shtëpisë së djegur duket i dëshpëruar duke thënë se nuk kanë më një strehë ku të qëndrojnë.
Fier/Informacion paraprak Sot rreth orës 09:50, në Mbrostar Ura, në banesën e shtetasit A. M. ka rënë zjarr.
Nuk ka persona të lënduar, vetëm dëme materiale. Menjëherë në vendngjarje kanë shkuar shërbimet e Policisë dhe zjarrëfikëset, të cilët bënë të mundur fikjen e zjarrit. Po punohet për sqarimin e shkaqeve të rënies së tij.
