Sipas MeteoAlb: Territori shqiptar në pjesën më të madhe të tij do të dominohet nga moti qëndrueshëm përgjatë gjithë ditës. Parashikohet që kthjellimet të jenë më të dukshme në orët e para të ditës në ultësirën perëndimore. Por pasditja sjell kalime të pakta të vranësirave duke gjeneruar shira të pakët dhe të izoluara në skajin Verior.
Temperaturat e ajrit do të rriten në mëngjes dhe në mesditë duke luhatur vlerat ditore nga 13°C deri në 31°C.
Era do të fryjë mesatarisht me shpejtësi 35 km/h nga drejtimi Veriperëndimore duke krijuar në brigjet detare dallgëzim mbi 2 ballë.
Pjesërisht Europa Juglindore dhe ajo Qendrore paraqiten në dominimin e vranësirave të shpeshta të cilat do të pësojnë zhvillime duke gjeneruar reshje. Po ashtu me vranësira të dendura dhe reshje shiu do të vijoj të jetë Britania e Madhe. Ndërsa Vendet Nordike dhe Europa Lindore do të jenë me kthjellime dhe kalime vranësirash.
Pjesa e parë e ditës parashikohet që në Kosovë të jetë në mbizotërimin e kthjellimeve dhe kalimeve të pakta të vranësirave. POR në pjesën e dytë të ditës pritet që vranësirat të shtohen kryesisht gjatë pasdites duke sjell dhe shira të paktë në të gjithë territorin.
Deri në orët e mesditës territori i MV do të jetë në dominimin e kthjellimeve dhe kalimeve të pakta të vranësirave. Ndërsa pasditja dhe orët vijuese sjellin shtim të vranësirave të cilat më të dukshëm do të jenë në zonat Veriore duke krijuar mundësi për reshje të pakta shiu.
