ITALI- Një 46-vjeçar shqiptar ka rënë në prangat e policisë italiane pasi akuzohet për posedim dhe shitje të lëndëve narkotike.
Shqiptari identiteti i të cilit ende nuk dihet u arrestua më 21 dhjetor, pasi plagosi një efektiv të policisë, i cili i kishte bërë thirrje 46-vjeçarit që të ndalonte.
Pas arrestimit të tij, kontrolle u ushtruan edhe në vilën e tij në Pescara, ku u gjet një rafineri artizanale kokaine. Në vilën e tij, shqiptari kishte edhe një sistem të jashtëligjshëm kamerash sigure, nga filmimet e të cilave dukeshin makina të shumta që dyshohet se mund të jenë “klientë” të tij.
Ndër të tjera në shtëpinë e 46-vjeçarit u gjet dhe u sekuestrua 400 gram kokainë, një blender, lëndë prerëse, mjete dhe kontenierë për paketim.
Pamje nga sistemi i kamerave të sigurisë
