Policia ka arrestuar një të ri i cili ka tentuar që të gëlltisë një qese me hαshαsh që ka pasur me vete. Kur policia i bëri shenjë një automjeti për të ndaluar, shoferi u bind dhe menjëherë hapi krahun, deri këtu ngjan si një kontroll rutinë. Por pas këtij veprimi drejtuesi i mjetit nxitoi të nxjerrë nga xhepi një qese të cilën tentoi ta kapërdijë. Kështu e përshkruajnë forcat Shqiponja në Tiranë arrestimin e Sabah Nuzit, i cili u përpoq të kalonte në stomak 4. 8 grame hαshαsh. I riu shpresoi se do ta gëlltiste qesen , duke humbur gjurmët e provave që efektivët mos ta sekuestronin e më pas mos ti adresonin edhe akuzën për të cilën ai do përballet me gjykatë.
Në përfundim Nuzi nuk e ka realizuar dot gëlltitjen e qeses me hαshαsh pasi për pak është mbytur. Policët pasi kanë ndërhyrë sikur të ishin edhe urgjenca dhe pasi i kanë nxjerrë nga goja qesen me hαshαsh veç akuzës së drøgës i kanë referuar edhe një vepër tjetër. Akuza e dytë është kundërshtim i forcave të rendit , pasi i dyshuari nuk ju bind policisë por kreu veprime të tjera pasi ata i kërkuan të ndalonte. Vepra e dytë lidhet me përpjekjet e policëve thuhet në referim për mos ta lejuar të riun të kalonte në stomak qesen, për të cilën më pas policët mësuan se ishte hαshαsh./Burimi: Top Channel
