Mbrojtja Civile në Kukës ka publikuar situatën aktuale të zjarreve në vend. Mësohet se flakët në Majën e Rrunës vijojnë të jenë problematike, ndërsa puna e zjarrëfikëses vazhdon pa ndalim. Sipas Ministrisë së Mbrojtjes, në terren janë 10 forca zjarrfikëse, 8 forca të pyjores dhe njësia administrative Malzi, si dhe 15 forca të DMR-së Kukës.
Ndërkohë që vatra e zjarrit në Stanet e fshatit Morin, është izoluar plotësisht, ku në terren ishin 5 punonjës të AZM Kukës. Në bashkinë Tropojë, në vendin e quajtur Lugu i Nërmajave fshati Peraj njësia administrative Lekbibaj, është regjistruar ditën e djeshme një vatër zjarri.
Nga informacioni i marrë nga Përgjegjësi i Pyjores të bashkisë Tropojë, njoftohet se është djegur rreth 1 hektar dru Ahu. Aktualisht zjarri është i izoluar dhe do të verifikohet nga ana e punonjësve të pyjores që të mbahet nën kontroll zjarri, ndërsa situata në bashkinë Has është e qetë./abcnews
