Koronavirusi duket se nuk është më problem në vendin tonë. As rritja e numrit të infektuarve me Covid në ditët e fundit nuk i shqetëson më qytetarët të cilët vijojnë të jenë indiferentë përballë kësaj situate të re. Pjesa me e madhe e tyre nuk i respektojnë më masat anti-Covid. Edhe pse më të rrezikuarit, të moshuarit vijojnë të dalin pa maska dhe pa ruajtur distancën fizike.

Rregullat e distancimit social po shkelen masivisht dhe në tregje e dyqane, ku qytetarët veçse qëndrojnë afër njëri-tjetrit janë dhe pa maska. Dy ditët e fundit numri i të infektuarve është rritur ndjeshëm në vendin tonë ndërsa Ministria e Shëndetësisë vijon që tu bëjë thirrje qytetarëve për respektimin e masave.