Në një intervistë me gazetarin e Top Channel, Aleksandër Marku, sizmologu grek Akis Tselentis duke folur mbi situatën e tërmeteve dhe pasojave që lanë pas tha se do të vijë në Tiranë për të bërë një paraqitje për teknikat bashkëkohore të zvogëlimit të riskut të tërmeteve në Shqipëri.

“Ajo ç’ka dua të them është fakti se dua të  vij në Shqipëri, sepse edhe në të kaluarën kam pasur disa programe hulumtuese atje dhe dua të bej një paraqitje për teknikat bashkëkohore të zvogëlimit të riskut të tërmeteve në Shqipëri’, tha ai për Top  Channel.