Shkarkohet nga detyra drejtori i AKU-së Gjirokastër, Armand Hilaj. Burimet bëjnë me dije se shkak është bërë denoncimi i bërë nga Ora Investigim i gazetares së Ora News e RTV Ora Alketa Çeku për kosin me ndotje bakteriale enterobakter që tregtohej nga subjekti Gjirofarm. Kosi “Gjirofarm” i tregtuar gjerësisht ne vend ka rezultuar të jete me prezencë fekalesh. Kjo u vërtetua pas mostrave të marra për analizim nga AKU. Më poshtë Investigimi
Më konkretisht me ngarkesë të lartë mikrobike ka rezultuar kos lope natyral “Gjirofarm”, 190 gram me 2.2 dhe 3.8% yndyrë. Me problem është konstatuar edhe kosi i deles “Gjirofarm” 300gram. Gazetarja e Ora Investigim, Alketa Çeku e ndoqi hap pas hapi ngjarjen. I kërkoi informacion edhe administratorit të “Gjirofarm” në lidhje me produktet e tregtuara nga ky subjekt që i vunë në rrezik jetën konsumatorit. Përgjigja në këtë rast ishte heshtja.
Edhe AKU heshti dhe fshehu të dhënat duke rrezikuar konsumatorët që i kanë besuar garantimin e cilësisë së produkteve që vënë në tavolin e bukës së familjes.
