Prestigjozia “The Sun” ka hulumtuar mbi një fenomen të përhapur së fundmi në Britaninë e madhe. Sipas tyre, në Britani ekziston një skemë abuzimi seksual me fëmijët e varfër nga vendet afrikane. Anglezët e pasur pedofilë vetëm me pak paund mund të blejnë fëmijë në Gambia dhe pastaj mund të abuzojnë me ata. Kjo sipas tyre, ndodh për shkak të varfërisë ekstreme dhe legjislacionit të dobët për shfrytëzimin e fëmijëve. “The Sun” tregon që në shumë raste prindërit gënjehen nga pedofilët anglezë, të cilët u premtojnë se do t’u sigurojnë një jetë të mirë në Britaninë e Madhe. Megjithatë, tabloidi nuk përjashton rastet ndryshe, kur prindërit e fëmijëve mbyllin një sy për shkak të varfërisë ekstreme përpara “bamirësve” anglezë. Tronditëse është fakti se abuzimi mund të bëhet vetëm për 2 pound.
Hulumtimi ka shkaktuar zemërim në popullatën e gjerë dhe nga ana tjetër ka vënë në lëvizje autoritetet dhe organizatat për të drejat e fëmijëve që të rrisin vigjilencën dhe të intensfikojnë punën e tyre për parandalimin e fenomenit.
