Është arrestuar sekretarja e përgjithshme e ministrisë së Shëndetësisë, Joana Duro.
Po ashtu në pranga është vënë edhe Laura Shteto, Specialiste te “bashkeqeverisja”. Mësohet se arrestimi ka ardhur me urdhër të SPAK. Nga informacionet e para mësohet se Duro akuzohet për korrupsion.
Lajmin e njoftoi kryeministri Edi Rama gjatë një takimi falenderues në Tiranë për zgjedhjet e 14 majit.
Pa përmendur emër, Rama tha se si mund të ndodhë që një sekretare e përgjithshme kapet në flagrancë duke marrë lekë.
“Një sekretare e përgjithshme kapet në flagrancë duke marrë lekë. Si mund të ndodhë kjo? Ana e pëlqyeshme e kësaj medalje është që kapet një person që është i padenjë për të qëndruar në një zyrë shteti. Uroj të ketë sa më shumë të tilla, por s’mund të uroj që sa më shumë të tillë njerëz të bëjnë gjëra të tilla,” tha Rama.
