Biznesmeni Ylli Ndroqi është filmuar duke udhëtuar me helikopter privat nga plazhi i Jalës drejt Vlorës, i shoqëruar nga partnerja. Pasi SPAK i sèkuestroi 26 pronat, mes të cilave përfshihen edhe automjetet, Ndroqi zgjodhi këtë mënyrë për të lëvizur nga një vend në tjetrin.
Ndërkohë, në disa reagime, Ndroqi pretendon se sèkuestrimi i pronave të tij është një vendim tërësisht politik, dhe duket se në ditët në vijim do të bëjë publike prova të tjera nga presionet që sipas tij i ka bërë politika.
Mbetet për t’u parë nëse pjesë e publikimeve dhe mesazheve të bëra publike nga Ndroqi, do të jetë dhe vetë kreu i qeverisë Edi Rama, i cili nuk ka bërë as edhe reagimin më të vogël lidhur me sekuestrimin e pronave të biznesmenit.
Përmes avokatëve të tij, Ndroqi e ka apeluar vendimin e dhënë nga SPAK për sekuestrimin e 26 pronave të tij, dhe pritet që në ditët në vijim apeli të shprehet lidhur me këtë çështje, të bujshme. Sipas Ndroqit, i vetmi qëllim i kësaj lëvizjeje, është ndryshimi i vijës editoriale të televizioneve që ai drejtonte, ndërsa iu ka bërë thirrje të gjithë punonjësve të dy televizioneve që në këto ditë të bëjnë një rezistencë gazetareske në mbrojtje të pavarësisë së tyre. (A.M/Faxweb.al)
