Prokuroria e Posaçme ka lëshuar urdhër këtë të martë për ushtrimin e disa kontrollove në banesa dhe në Call Centera.
Mësohet se, janë duke u ekzekutuar nga policia urdhrat e prokurorit për kontrolle, ndërkohë që bëhet me dije se janë shoqëruar disa persona në lidhje me përfshirjen në skemën e zhvatjes së parave përmes Call Centerave.
Kujtojmë se aksione të tilla janë ndërmarrë disa herë nga SPAK kohët e fundit. Madje në disa raste ata janë shoqëruar edhe nga efektivë të autoriteteve mike si Spanja apo Italia.
