Një operacion sekret nga policia spanjolle ka mundur të shpëtojë gjashtë punëtorë të bllokuar në kushte të mjerueshme, në një fabrikë për përpunimin e kanabisit dhe duhanit, e fshehur nën fshatin malor të Mondas në Malaga..
Sipas Daily Mail, policia spanjolle shkatërroi një bandë të udhëhequr nga britanikët.
Fabrika kishte makineri që mund të prodhonin deri në 3.500 cigare në orë, tha Ministria e Brendshme të enjten, më 20 shkurt.
Imazhet e publikuara nga detektivët treguan se ata hynë në bunkerin rreth katër metra nën sipërfaqen e tokës dhe shpëtuan gjashtë punoëtorët që punonin dhe flinin në vendkalimin, ku prodhoheshin 3.500 cigare të falsifikuara në orë.
Një nga drejtuesit e dyshuar thuhet se ishte një i arratisur britanik i cili nuk u kthye në qelinë e tij të burgut në Mbretërinë e Bashkuar pas një lirimi të përkohshëm.
Disa nga punëtorët e fabrikës, bunkeri i të cilit ishte fshehur nën një kontenier transporti brenda stallave, dyshohet se u lanë të vdesin nga shefat e tyre para se të zbuloheshin.
Detektivët zbuluan se furnizimi i oksigjenit për ta u ndërpre kur gjeneratori me naftë nga i cili ata vareshin për furnizim me ajër të pastër, pushoi së punuari.
Numri i britanikëve të arrestuar nuk është bërë ende publike, megjithëse policia thotë se banda kriminale që qëndron pas fabrikës së paligjshme të cigareve ishte formuar kryesisht nga shtetas britanikë.
