Deputetja e PS, Elisa Spiropali ka thënë se mazhoranca do ta dërgojë sërish emrin e Sandër Lleshit si propozim për Ministër të Brendshëm tek Presidenti Ilir Meta. Sipas saj kreu i shtetit ka marrë kompetencat e Kryeministrit me refuzimin që i bëri Lleshit.
“E ka Kuvendi këtë atribut për të votuar Ministrin e Brendshëm dhe është zgjedhje e kryeministrit, ndryshe nuk do ishim Republikë Parlamentare. Është një konflikt i sforcuar dhe urojmë mos kthehet në konflikt institucional ne do e rinisim kandidaturën e z.Lleshi të Presidenti. Presidenti ka marrë kohën e gjatë për të hulumtuar, dhe jemi të lumtur që është një figurë e pastër dhe nuk kemi asnjë diskutim që është figura e duhur për të luftuar krimin në vend. “ tha Spiropali për News 24.
