100 të shtruar në 3 spitalet rajonale Spitalet Covid në kryeqytet janë drejt mbushjes. Ato vijojnë të mbajnë peshën më të madhe të pacientëve që kanë nevojë për hospitalizim.
Nga raportimet e fundit të Ministrisë së Shëndetësisë, 650 persona po trajtohen në të 4 spitalet Covid në kryeqytet dhe në 3 pavionet Covid në spitalet rajonale të Durrësit, Shkodrës dhe Elbasanit.
Spitalet rajonale vijojnë të mbajnë një numër të paktë të shtruarish duke bërë që në kryeqytet thuajse të ezaurohen të gjithë shtretërit.
Nga 650 të shtruarit 550 po marrin shërbim në 4 spitalet Covid në Tiranë kur totali i shtretërve është 600, ndërsa 54 po trajtohen në Durrës, 16 në Shkodër dhe 30 në Elbasan. Në total 100 pacientë janë në spitalet rajonale kurse kapaciteti i tyre mbajtës është 241 shtretër. Tv Klan
