Kukësi pas disa javës lëshon kreun e klasifikimit duke u mundur në një takim direkt nga Tirana me përmbysje në “Air Albania”. Trajneri i verilindorëve, Shpëtim Duro, nuk mund ta fshehë keqardhjen për atë humbje me përmbysje në minutat e fundit, kur Kukësi i tij thuajse e kishte prekur fitoren me Tiranën.

“Ky është futbolli. Sigurisht, me përjashtim të momenteve të para, kemi qenë më të qetë, kontrolluam lojën, shënuam. Mund ta mbyllnim takimin. Tirana po zhvillonte disa aksione dëshpëruese, por barazuan me goditje standarde dhe me dhjetë veta shënuan golin e dytë. Më vjen keq, nuk ishte rezultati real i takimit.”

Tirana e meritoi: Tirana nuk na vodhi gjë, bravo i qoftë, shënoi dy herë edhe për mos përqendrimin tonë, sidomos te goli i dytë. Nuk duhet të na kapnin të papërgatitur për të shënuar golin e dytë. Barazimi ishte i pranueshëm, kur ishim me dhjetë lojtarë.