U kualifikua në botërorin e atletikës Luiza Gega dhuroi një tjetër paraqitje shumë të mirë në arenën ndërkombëtare.
Në Kampionatin Botëror të Atletikës që po mbahet në Doha të Katarit, 30-vjeçarja shkëlqeu duke siguruar një vend për në finale në garën e 3000 metrave me pengesa. Gega regjistroi kohën 9 minuta, 28 sekonda e 32 të qindtat. Ajo bëhet në këtë mënyrë atletja e para shqiptare që kalon në finalet e një botërori atletike. Finalja do të mbahet më datë 30 Shtator.