Milan vijon formën e mirë në Serie A.Pas fitores fundjavën e shkuar përballë Napolit, kuqezinjtë kanë mposhtur në shtëpi edhe Fiorentinën Pa Ibrahimoviçin e dëmtuar, Milanit iu deshën 27 minuta lojë për të marrë tre pikët e rradhës, raporton Ora News. Në minutën e 17 kapiteni Romagnoli kaloi në avantazh vendasit, ndërsa 10 minuta më pas ishte Kessie që dyfishoi rezultatin. Mesfushori kishte një mundësi të artë në minutën e 40 për të trefishuar rezultatin por gaboi nga pika e bardhë e penalltisë.
Gjatë pjesës së dytë Milan administroi rezultatin duke marrë kështu fitoren e 7 pas 9 javësh dhe duke qëndruar në vend të parë në kuotën e 23 pikëve, 5 më shumë se vendi i dytë që mbahet nga Inter.