Manchester United nuk ka ndërmend që të braktis pistën Jadon Sancho. Sipas mediave angleze, klubi anglez është gati për të bërë një tentativë të fundit për yllin e skuadrës së Borussia Dortmund. Oferta e fundit që do të vihet në tavolinën e verdhezinjve do të jetë 90 milionë sterlina, ose e thënë ndryshe 98 milionë euro. Dortmundi gjatë verës ka refuzuar të gjitha propozimet e “Djajve të Kuq”, ndërkohë që pritet të shihet përgjigja për tentativën e fundit. Nëse dështon pista Sancho, United mund të hidhet në sulm për Douglas Costa, i cili mund të shkojë në “Old Trafford” për 40 milionë euro.